Գլխավոր էջ | Թուրքիա | Նոր օրենքով Թուրքիայում զգալիորեն սահմանափակվում են ծխախոտի օգտագործումն ու վաճառքը

Նոր օրենքով Թուրքիայում զգալիորեն սահմանափակվում են ծխախոտի օգտագործումն ու վաճառքը

By
Նոր օրենքով Թուրքիայում զգալիորեն սահմանափակվում են ծխախոտի օգտագործումն ու վաճառքը

Թուրքիայի նախագահ Ռեջեփ Թայփ Էրդողանը նոր օրենք է ստորագրել, որը զգալի սահմանափակումեր է նախատեսում այդ երկրում ծխախոտի վաճառքի, օգտագործման համար՝ արգելք դնելով նույնիսկ տուփերի մակերեսին դրանք արտադրող ընկերությունների տարբերանշանների պատկերման վրա:

Նոր օենքն արգելում է այն ֆիլմերի, սերիալների, երաժշտական տեսահոլովակների, գովազդների ու ճանաչողական տեսանյութերի ցուցադրությունը, որոնց մեջ կլինեն ծխախոտային արտադրանք պատկերող տեսարաններ: Այս կարգավորումը վերաբերում է նաև կինոթատրոններին ու թատերական ներկայացումներն: Արգելվել է նաև հանրության համար բաց համացանցային ռեսուրսներում ծխախոտի գովազդների կամ ծխախոտային արտադրանքի որևէ ցուցադրությունը, որը կարող է շահ հետապնդել:

Արգելվել է ծխախոտային արտադրանքների վաճառքը առողջապահական, ուսումնական, մշակութային ու սպորտային հաստատություններում, ինչպես նաև համալսարանական հանրակացարանների տարածքներում:

Ծխախոտային արտադրանքների տուփերի կամ շշերի վրա դրանց վնասների մասին տեղեկացնող գրությունները կամ պատկերները պետք է զբաղեցնեն տուփերի մակերեսների 85 տոկոսը, այժմյան 65-ի փոխարեն:

Թուրքիայում արտադրվող կամ ներմուծվող բոլոր տեսակի ծխախոտային արտադրանքների տուփերի վրայի գրությունները, դրանց տառաչափերն ու տառատեսակներ պետք է լինեն միատեսակ: Միանման ու միագույն պետք է լինեն նաև դրանց տուփերը:

Արտադրող ընկերության անվանումը պետք է գրված լինի տուփի միայն մի կողմում՝ չգերազանցելով այդ կողմի մակերեսի 5 տոկոսը: Ընկերության տարբերանշանը, խորհրդանիշը կամ ընկերության հետ ասոցացվող այլ ատրիբուտակայի պատկերումը ծխախոտի տուփի վրա իսպառ կարգելվի:

Օրենքով նախատեսված այս փոփոխությունները ուժի մեջ են մտնելու 7 ամսվա ընթացքում: Նշյալ ժամկետը Թուրքիայի գյուղատնտեսության անտառային տնտեսության նախարարության կողմից կարող է երկարացվել ևս 6 ամսով:

Աղբյուր`    Sondakika

 

 

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0