Գլխավոր էջ | Թուրքիա | Թուրքիայի խորհրդարանի հայազգի պատգամավոր Սելինա Դողանը հանրաքվեն «անվավեր» է անվանել

Թուրքիայի խորհրդարանի հայազգի պատգամավոր Սելինա Դողանը հանրաքվեն «անվավեր» է անվանել

By
Թուրքիայի խորհրդարանի հայազգի պատգամավոր Սելինա Դողանը հանրաքվեն «անվավեր» է անվանել

Թուրքիայի ընդդիմադիր Ժողովրդահանրապետական կուսակցության անդամ, խորհրդարանի հայազգի պատգամավոր Սելինա Դողանն ապրիլի 16-ին կայացած սահմանադրական փոփոխությունների վերաբերյալ հանրաքվեն անվանել է «անվավեր» և հայտարարել, որ իշխանությունները սաբոտաժի են ենթարկել Թուրքիայի ժողովրդի կամքը:

Այս մասին տեղեկանում ենք Դողանի Twitter-յան պաշտոնական էջից:

Թուրքիայի գլխավոր ընդդիմադիր ուժը համարվող Ժողովրդահանրապետական կուսակցությունը, որի անդամ է հայազգի Դողանը, այսօր դիմել է Գերագույն ընտրական խորհրդին՝ սահմանադրական փոփոխությունների վերաբերյալ հանրաքվեի արդյունքները չեղարկելու պահանջով: Կուսակցության պատվիրակության կազմում խորհրդի շենք է ժամանել նաև Սելինա Դողանը:

Ավելի վաղ Թուրքիայի ընդդիմադիր Ժողովրդահանրապետական կուսակցության` Ստամբուլից ընտրված պատգամավոր Սենջեր Այաթան հայտարարել էր, որ սահմանադրական փոփոխությունների վերաբերյալ հանրաքվեի ժամանակ չկնքված քվեաթերթիկները, որոնք հաշվարկվել են որպես «Այո»-ի քվե, կազմել են 2.5 մլն:

Նշենք, որ կառավարման նախագահական համակարգին կողմ են արտահայտվել երկրի հիմնականում կենտրոնական նահանգներում: Իշխանությունների առաջարկած սահմանադրական փոփոխությունները խիստ հակազդեցության են արժանացել Թուրքիայի խոշոր քաղաքներում` Ստամբուլում, Անկարայում, Իզմիրում, Ադանայում, Մուղլայում, Անթալիայում և այլուր: Էրդողանին դեմ են նաև քրդաբնակ շրջանների մեծ մասում:

Հիշեցնենք, որ նախնական տվյալների համաձայն՝ Թուրքիայում սահմանադրական փոփոխությունների վերաբերյալ հանրաքվեում հաղթանակ են տարել կառավարման նախագահական համակարգի անցման կողմնակիցները՝ 51,41 տոկոս ձայնով: Վերջնական արդյունքները կամփոփվեն 11-12 օրից՝ բողոքարկումները դիտարկելուց հետո:

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0