Գլխավոր էջ | Տեսակետ-Ասուլիս | Ռուսաստանը ԼՂ հակամարտության կարգավորման հարցում կաջակցի ԵԱՀԿ նախագահությանը. Լուկաշևիչ

Ռուսաստանը ԼՂ հակամարտության կարգավորման հարցում կաջակցի ԵԱՀԿ նախագահությանը. Լուկաշևիչ

By
Ռուսաստանը ԼՂ հակամարտության կարգավորման հարցում կաջակցի ԵԱՀԿ նախագահությանը. Լուկաշևիչ

Ռուսաստանի Դաշնությունը Լեռնային Ղարաբաղի հակամարտության կարգավորման գործում շարունակելու է աջակցել ԵԱՀԿ-ում 2018 թվականին նախագահող Իտալիայի ջանքերին: Այս մասին հայտարարել է ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը:

«Տարածաշրջանային հակամարտությունների կարգավորման գործով ԵԱՀԿ գործադրած ջանքերի հարցում մենք լիարժեքորեն կիսում ենք Իտալիայի տրամադրվածությունը»,- հայտարարել է Լուկաշևիչը՝ նշելով, որ դա նախ և առաջ վերաբերում է Ուկրաինայի արևելքում առկա ճգնաժամին:

ՌԴ մշտական ներկայացուցիչն ընդգծել է, որ չի կարելի թուլացնել ջանքերն այլ հակամարտությունների կարգավորման գործընթացներում ևս:

«Մենք աջակցելու ենք Մերձդնեստրի և Լեռնային Ղարաբաղի հակամարտությունների կարգավորման գործում ԵԱՀԿ-ում Իտալիայի նախագահության ջանքերին: Բարձր ենք գնահատում ԵԱՀԿ-ի դերը՝ Վրաստանի, Աբխազիայի և Հարավային Օսիայի միջև երկխոսությանն աջակցելու հարցում, Անդրկովկասում անվտանգության մասին ժնևյան միջազգային քննարկումների շրջանակում»,- հայտարարել է Ալեքսանդր Լուկաշևիչը:

ԵԱՀԿ մշտական խորհրդում ԵԱՀԿ նոր գործող նախագահ, Իտալիայի արտգործնախարար Անջելինո Ալֆանոն հայտարարել էր, որ Լեռնային Ղարաբաղի հակամարտության կարգավորման հարցում Իտալիան իր աջակցությունն է հայտնում ԵԱՀԿ Մինսկի խմբի համանախագահներին: «Լեռնային Ղարաբաղի հարցում մենք սատարում ենք ԵԱՀԿ Մինսկի խմբի համանախագահների աշխատանքին՝ գտնելու վերջնական համաձայնեցված լուծում այս հակամարտության համար»,- ասել է նա:

 

 

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0