Գլխավոր էջ | Իրան | Իրանը պատասխան միջոցներ կձեռնարկի Եվրամիության պատժամիջոցների դեմ

Իրանը պատասխան միջոցներ կձեռնարկի Եվրամիության պատժամիջոցների դեմ

By
Իրանը պատասխան միջոցներ կձեռնարկի Եվրամիության պատժամիջոցների դեմ

Թեհրանը պատասխան միջոցներ կձեռնարկի Իրանի քաղաքացիների դեմ Եվրամիության պատժամիջոցների կապակցությամբ, որոնց մեղադրում են ահաբեկչության մեջ: Այդ մասին հայտարարել է Իրանի արտաքին գործերի նախարարության պաշտոնական ներկայացուցիչ Բահրամ Քասեմին:

«Իրանի Իսլամական Հանրապետությունը ի պատասխան այդ քայլին անհրաժեշտ հակամիջոցներ կձեռնարկի պատասխան գործողությունների շրջանակում»,- հայտնել է Քասեմին Telegram-ալիքում, նշելով, որ Եվրամիության որոշումը զարմանք Է հարուցում, իսկ Իրանին հասցեագրված մեղադրանքներն անհիմն են: Ինչպես ասված Է ԵՄ-ի խորհրդի հայտարարության մեջ, որը հունվարի 9-ին հրապարակվել է Եվրամիության Պաշտոնական հանդեսում, Եվրամիության խորհուրդը մեկ տարով երկարաձգել ու ընդլայնել է Իրանի դեմ պատժամիջոցների սև ցուցակը, որոնք 2011 թվականին սահմանվել են ահաբեկչական գործունեության մեղադրանքներով:

«Երկու ֆիզիկական անձ և մեկ կառույց՝ Իրանի հետախուզության և անվտանգության նախարարության ներքին անվտանգության դիրեկտորատը, ներառված են ԵՄ-ի հակաահաբեկչական ցուցակում՝ ի պատասխան Եվրամիության տարածքում կանխված մահափորձի», նշվում է փաստաթղթում:

 

Ներկայում Իրանի վերաբերյալ ԵՄ-ի սև ցուցակը ներառում է 15 մարդ և 21 կազմակերպություն: Այս պատժիչ ռեժիմը ոչ մի կերպ կապված չԷ այն պատժամիջոցների հետ, որոնք Եվրամիությունը չեղարկել է Գործողությունների համատեղ համապարփակ ծրագրի ստորագրմամբ, որը երաշխավորում է Իրանի միջուկային ծրագրի խաղաղ բնույթը: ԵՄ-ի երկրները Իրանի ուժային կառույցներին մեղադրում են երկրի ընդդիմության՝ տարագրության մեջ գտնվող ներկայացուցիչների վերացմանն ուղղված գործողություններ իրականացնելու համար, հաղորդել Է ՌԻԱ Նովոստին:

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0