Գլխավոր էջ | Միջազգային | Լավրով. ԱՄՆ-ն կառավարում է որոշ երկրների ընդդիմությունը

Լավրով. ԱՄՆ-ն կառավարում է որոշ երկրների ընդդիմությունը

By
Լավրով. ԱՄՆ-ն կառավարում է որոշ երկրների ընդդիմությունը

Մի շարք փաստեր հաստատում են, որ տարբեր երկրներում ԱՄՆ դեսպանատունը կառավարում է տեղի ընդդիմության գործողությունները։ Այս մասին հայտնել է Ռուսաստանի ԱԳ ղեկավար Սերգեյ Լավրովը, փոխանցում է ՌԻԱ Նովոստին։

«Ցանկացած երկրում՝ Արեւելյան Եվրոպայում, Կենտրոնական Եվրոպայում, կան մի շարք փաստեր, երբ ամերիկյան դեսպանատունը բառացիորեն ղեկավարում է գործընթացները, այդ թվում ընդդիմության գործողությունները»,- ասել է Լավրովը։

Նրա խոսքով, Ռուսաստանի շատ քաղաքացիներ են աշխատում ամերիկյան դեսպանատանը, որպես տեղում աշխատանքի ընդունվածներ։ «Վիեննայի հռչակագրով, եթե դու ընդունում ես անձնակազմ տվյալ երկրում, որտեղ դեսպանատունն է, այդ անձնակազմը կարող է միայն տեխնիկական լինել՝ վարորդներ, տպագրողներ եւ այլն։ Նրանք իրավունք չունեն զբաղվել դիվանագիտական գործունեությամբ, այդ թվում քաղաքական հարցերով»։

Այդուհանդերձ, նա շեշտել է, որ ռուսական կողմը հաճախ է բացահայտել դեպքեր, երբ ԱՄՆ դեսպանատան աշխատակիցները, որոնց տեղում են աշխատանքի ընդունել, շրջել են մարզերով, բնակչության շրջանում հարցումներ իրականացրել՝ թե ինչպես են նրանք վերաբերվում նահանգապետին, կամ դաշնային կենտրոնին։

«Նման իրավիճակներում մենք պարզապես քաղաքավարորեն մեր ամերիկացի գործընկերներին խնդրում ենք դադարեցնել այդ մարդկանց հետ ծառայողական հարաբերությունները։ Կարծում եմ, որ նրանք իրենք դա միջամտություն չեն համարում, քանի որ նախ՝ նրանց ամեն ինչ կարելի է, երկրորդ՝ դա նրանց արյան մեջ է»,- ամփոփեց Լավրովը։

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0