Գլխավոր էջ | Թուրքիա | Ղրիմը Ռուսաստանին կցելու վերաբերյալ Թուրքիայի հայտարարությունը

Ղրիմը Ռուսաստանին կցելու վերաբերյալ Թուրքիայի հայտարարությունը

By
Ղրիմը Ռուսաստանին կցելու վերաբերյալ Թուրքիայի հայտարարությունը

Թուրքիայի արտգործնախարարությունը հայտարարություն է տարածել 2014-ի մարտի 16-ին անցկացրած հանրաքվեի առիթով, որի արդյունքում Ուկրաինայի կազմում գտնվող Ղրիմի Ինքնավար Հանրապետությունը միացվեց Ռուսաստանի Դաշնությանը:

Նախօրեին տարածված հայտարարության մեջ մասնավորապես ասվում է. «6 տարի առաջ այս օրը իրականացված ոչ լեգիտիմ հանրաքվեի արդյունքները հիմք ընդունելով՝ Ռուսաստանի կողմից իրականացված ուկրաինական Ղրիմի Ինքնավար Հանրապետության ապօրինի բռնակցումը մեր երկիրը և միջազգային հանրությունը չեն ճանաչում»: 

Հայտարարության մեջ ասվում է նաև, որ Թուրքիայի համար շարունակելու են առաջնային լինել «Ղրիմի տեղաբնիկներ հանդիսացող թաթար թուրքերի անվտանգությունը, մշակութային ինքնության պահպանումն ու բռնակցման հետևանքով նրանց նկատմամբ կիրառվող ճնշումների վերացումը»:

Վերջում նշվում է, որ Թուրքիան շարունակելու է աջակցել իր ռազմավարական գործընկեր Ուկրաինայի տարածքային ամբողջականությանը:

 

 

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0