Գլխավոր էջ | Միջազգային | «Եվրատեսիլ 2020»-ը կանցկացվի Ռոտերդամում

«Եվրատեսիլ 2020»-ը կանցկացվի Ռոտերդամում

By
«Եվրատեսիլ 2020»-ը կանցկացվի Ռոտերդամում

«Եվրատեսիլ» երգի մրցույթի կազմակերպիչները հաջորդ տարի միջոցառման անցկացման համար ընտրել են հոլանդական Ռոտերդամ քաղաքը, հաղորդվում է մրցույթի կայքում:

«Դա Ռոտերդամ 2020-ն է: Ռոտերդամն ընտրվել է որպես 65-րդ «Եվրատեսիլ» երգի մրցույթը հյուրընկալող քաղաք՝ Հոլանդիայի հարավային Մաաստրիխտ քաղաքի հետ լարված պայքարից հետո», ասվում է կայքում:

Ավելի վաղ հաղորդվել էր, որ «Եվրատեսիլ 2020» մրցույթը չի կարող տեղի ունենալ Նիդեռլանդների մայրաքաղաք Ամստերդամում, քանի որ քաղաքում բոլոր հարմար արենաները զբաղված են: Ի սկզբանե մրցույթն անցկացնելու իրավունքի համար պայքարում էին Նիդեռլանդների այնպիսի քաղաքներ, ինչպիսիք են Ռոտերդամը, Ուտրեխտը, Հերտոգենբոշը, Առնեմը և Մաաստրիխտը: Կազմակերպիչները ավելի ուշ հաղորդեցին, որ ընտրություն կկատարվի Ռոտերդամի և Մաաստրիխտի միջև:

2019-ին «Եվրատեսիլ» երգի մրցույթն անցկացվեց Իսրայելում: Միջազգային երգի մրցույթում հաղթանակը նվաճեց Նիդեռլանդներից Դունկան Լոուրենսը՝ քվեարկության արդյունքում վաստակելով 492 միավոր: Երկրորդ տեղը զբաղեցրեց Իտալիայի ներկայացուցիչ Մամուդը, իսկ երրորդը՝ ռուս երգիչ Սերգեյ Լազարևը:

 

 

 

 

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0