Գլխավոր էջ | Սփյուռք | Համբիկ Սասունյանը դեռ ազատ չի արձակվել. Շահե Աճեմյան

Համբիկ Սասունյանը դեռ ազատ չի արձակվել. Շահե Աճեմյան

By
Համբիկ Սասունյանը դեռ ազատ չի արձակվել. Շահե Աճեմյան

Համբիկ Սասունյանը դեռ ազատ չի արձակվել։ Այս մասին Ֆեյսբուքի իր էջում գրում է 38 տարի ազատության մեջ իր ընկերոջը սպասող Շահե Աճեմյանը։ «37 տարի 11 ամիս բանտարկությունից հետո դատարանը ազատ արձակելու վճիռ կայացրեց։ Սակայն Կալիֆոռնիայի օրենքով նահանգապետը ներում պետք է շնորհի 90 օրվա ընթացքում։ Այժմ թուրքական իշխանություները կատաղի պայքար են մղում ազատությանը խոչընդոտելու համար, Հայ Դատի հանձնախումբն էլ Վաշինգտոնում պայքարում է, որպեսզի Սպիտակ տունը չխոչընդոտի Սասունյանի ազատության գործին։ Իսկ ես իմ ընկերոջը 38 տարի է սպասում եմ», գրում է Աճեմյանը։

Հիշեցնենք, որ ավելի վաղ հաղորդագրություն էր տարածվել, որ Կալիֆոռնիայի դատարանը բավարարել է 1982 թվականին Լոս Անջելեսում Թուրքիայի գլխավոր հյուպատոսի սպանության մեղադրանքով դատապարտված Համբիկ Սասունյանի պայմանական-վաղաժամկետ ազատ արձակման մասին միջնորդությունը: Պաշտպանական կողմը նախկինում մի քանի անգամ դիմել էր նրա ազատ արձակման մասին խնդրանքով, սակայն դիմումները դատարանը մերժել էր: Դատախազների մեղադրական եզրակացության համաձայն՝ թուրք հյուպատոս Քեմալ Արըքանի սպանության դրդապատճառը եղել է թուրքական ռեժիմից Հայոց ցեղասպանության համար վրեժ լուծելու ցանկությունը:

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0