Arax News: Մերկելը չի բացառել գերմանացի զինվորների դուրս բերումը Թուրքիայի ևս մեկ ավիաբազայից

Մերկելը չի բացառել գերմանացի զինվորների
դուրս բերումը Թուրքիայի ևս մեկ ավիաբազայից
================================================================================
Tert.am on 



Բունդեսթագի պատգամավորներն իրավունք ունեն
այցելելու գերմանացի զինվորականներին, որոնք
ծառայում են արտերկրում: Եթե նրանց արգելում
են այցելություններ կատարել, ապա Գերմանիան
իրավունք է վերապահում իրեն դուրս բերելու
զինծառայողներին:
Ինչպես փոխանցում է ТАСС գործակալությունը,
այս մասին հիշեցրել է Գերմանիայի կանցլեր
Անգելա Մերկելը` կիրակի ելույթ ունենալով ARD
հեռուստաալիքի եթերում:
«Կոնիայի ավիաբազայի հարցով նույն կանոններն
են գործում, ինչ և «Ինջիրլիք» ռազմաբազայի
դեպքում», - հայտարարել է Մերկելը`
պատասխանելով զիվորականներին տեղափոխելու
մասին հաղորդավարի հարցին:
Ավելի վաղ Գերմանիան որոշում էր կայացրել
դուրս բերել գերմանացի զինվորներին
«Ինջիրլիքից», ուր թույլ չէին տվել այցելել
Բունդեսթագի պատգամավորներին:
Մերկելի խոսքով` Կոնիայի ավիաբազայում
իրավիճակը փոքր-ինչ այլ է, քանի որ գերմանացի
զինվորներն այնտեղ են գտնվում ՆԱՏՕ-ի գծով,
ինչը նշանակում է, որ ոչ միայն Գերմանիան է
բանակցելու, այլև դաշինքը: