Arax News: Իրանի նախագահի եղբայրը կալանավորվել է

Իրանի նախագահի եղբայրը կալանավորվել է
================================================================================
araxnews.com on 17/07/2017 00:12:00



Իրանի նախագահ Հասան Ռոհանիի եղբայրը՝
Հուսեյն Ֆերեյդունը, ձերբակալվել է
ֆինանսական հանցագործություններ կատարելու
կասկածանքով։ Այս մասին հայտնում է Iran Front Page
պորտալը։
«Այդ մարդու նկատմամբ անցկացվել են բազմակի
քննություններ, քննություն վարվել է նաև այլ
անձանց նկատմամբ, նրանցից ոմանք կալանքի տակ
են», – մեջբերել է պորտալը Իրանի դատարանի
ներկայացուցչի խոսքերը։
«Երեկ նա ազատ է արձակվել գրավի դիմաց, սակայն
այդպես էլ չի կատարել դրա պայմանները, և
կալանքի տակ է առնվել»,- ասել է նա։
Այլ մանրամասներ առայժմ չեն ներկայացվում։
Հուսեյն Ֆերեյդունը եղել է Իրանի նախագահի
հատուկ հանձնակատարը երկրի միջուկային
ծրագրի շուրջ բանակցություններում։