Գլխավոր էջ | Ադրբեջան | Եվրամիությունը մերժեց Ադրբեջանին

Եվրամիությունը մերժեց Ադրբեջանին

By
Եվրամիությունը մերժեց Ադրբեջանին

Եվրամիության երկրների եւ Արեւելյան գործընկերության երկրների արտաքին գործերի նախարարներն իջեցրել են գործընկերության 10 ամյակի ամփոփիչ հռչակագրի կարգավիճակը, քանի որ Ադրբեջանի պատվիրակությունը դժգոհություն է հայտնել փաստաթղթի տեքստի վերաբերյալ, քանի որ դրանում չի արտացոլվել երկրի տարածքային ամբողջականության հարցը, հայտնում է Ազատություն ռադիոկայանը:

Բրյուսելում երեկ ամփոփել են Արեւելյան գործընկերության 10 տարվա արդյունքները: Դոյչե վելլեն գրում է, որ գաղափար կար ԱլԳ 10-ամյակի առթիվ ընդհանուր հռչակագիր ընդունել: Դրա համար անհրաժեշտ էր մասնակից 34 երկրների համաձայնությունը: Այն չի ընդունվել, որովհետեւ վետո է դրել Ադրբեջանը:

Հռչակագիրը հրապարակել է Եվրապայի անվտանգության ու արտաքին քաղաքականության հարցերով բարձր ներկայացուցիչ Ֆեդերիկա Մոգերինին, որը նախագահել է նախարարական հանդիպումը:

Հանդիպմանը չի հայտարարվել նաեւ Ադրբեջանի ու ԵՄ միջեւ շրջանակային համաձայնագրի շուրջ բանակցություններն ավարտելու մասին: Ադրբեջանը պնդում է, որ այդ փաստաթղթում ամրագրվի ղարաբաղյան հակամարտության կարգավորումը տարածքային ամբողջականության շրջանակում: Սակայն Եվրամիությունը չի կարող հրաժարվել սեփական սկզբունքներից եւ պնդում է, որ հիշատակվի ինքնորոշման իրավունքը եւ ուժի կիրառումից հրաժարվելը:

Եվրամիությունը բացահայտ մերժում է Ադրբեջանի տարածքային ամբողջականությունը:

ՆԱԻՐԱ ՀԱՅՐՈՒՄՅԱՆ, Մեկնաբան

  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0