Գլխավոր էջ | Արցախ | Ադրբեջանը հակահայկական թմրանյութի դոզա է ներարկում՝ սեփական բնակչությանը խնդիրներից շեղելու համար. Դավիթ Բաբայան

Ադրբեջանը հակահայկական թմրանյութի դոզա է ներարկում՝ սեփական բնակչությանը խնդիրներից շեղելու համար. Դավիթ Բաբայան

By
Ադրբեջանը հակահայկական թմրանյութի դոզա է ներարկում՝ սեփական բնակչությանը խնդիրներից շեղելու համար. Դավիթ Բաբայան

Ադրբեջանը սուտ տեղեկություններ տարածելով ուզում է մայր Հայաստանի ու Արցախի վարկանիշին հարվածել: Tert.am-ի հետ զրույցում ասաց Լեռնային Ղարաբաղի նախագահի մամուլի խոսնակ Դավիթ Բաբայանը՝ պատասխանելով այն հարցին, թե ինչո՞ւ են ադրբեջանական լրատվամիջոցների սկսել ապատեղեկատվություն տարածել այն մասին, որ հայկական կողմը թիրախավորել է խաղաղ բնակչությանը:

«Բոլորին հայտնի է, թե ինչ գազանություններ է անում Ադրբեջանը, ադրբեջանական այսպես կոչված զինվորները, որոնք ոչ այլ ինչ են, քան մարդասպաններ, գրոհայիններ: Քնած մարդուն կացնահարած անձնավորությանը ազգային հերոս են դարձնում, գլուխ կտրող տականքին Իլհամ Ալիևը բարձրագույն շքանշանով է պարգևատրում: Հավանաբար, մենք համարժեք կերպով չենք ներկայացնում այս վայրագությունները»,- ասաց Դավիթ Բաբայանը:

Ըստ նրա՝ հայկական կողմը հիստերիայի չի մատնվում ադրբեջանական ապատեղեկատվություններից, դրա համար էլ շարունակում են այդպիսով փորձել գրավել ուշադրությունն իրենց վրա: «Բայց այն, ինչ իրենք ասում են, ուղվում է իրենց դեմ»,- հավելեց ԼՂ նախագահի մամուլի խոսնակը:

Դ. Բաբայանը նշեց, թե չի բացառվում, որ ադրբեջանական կողմը փորձում է հայկական կողմը ներկայացնել որպես ագրեսոր պետություն՝ ապատեղեկատվություններ տարածելով, թե մենք թիրախավորել ենք խաղաղ բնակչությանը: Այնինչ, Դավիթ Բաբայանը շեշտեց, որ Ադրբեջանն է ահաբեկչական պետություն, ագրեսոր երկիր և աշխարհով մեկ մենք պետք է տարածենք իրենց ահաբեկչական գործողությունները:

«Ադրբեջանական լրատվամիջոցներում 20 տոկոսն է միայն հատկացված իրենց երկրի ներսում առկա խնդիրների լուսաբանմանը, մնացած 80 տոկոսը դրանք հակահայկական հրապարակումներ են, որոնք ագրեսիա են սերմանում իրենց բնակչության շրջանում: Իսկ հայկական լրատվամիջոցների 90 տոկոսը ներքաղաքական խմորումների, ռազբորկաների մասին է: Մենք պետք է Ադրբեջանի կողմից մեր հանդեպ իրականացված վայրագությունները ավելի ակտիվ ներկայացնենք աշխարհին»,- նշեց Դավիթ Բաբայանը:

ԼՂ նախագահի խոսնակը միաժամանակ ասաց, որ միջազգային հանրությունը լավ հասկանում է, թե ինչ պետություն է Ադրբեջանը և նման կարգի «дешевый» ապատեղեկություններով չէ, որ պետք է այլ կարծիք որդեգրի:

«Այն պետությունները, ԵԱՀԿ Մինսկի խմբի անդամ երկրները, որոնք միջազգային, տարածաշրջանային խաղաղության հաստատմամբ են հետաքրքրված, լավ հասկանում են ադրբեջանական կողմի խաղերը, և «дешевый» տեղեկություններով չեն կարող իրենց կարծիքը փոխել: Կարծում եմ, որ ստահոդ տեղեկությունների տարածումը ներքին սպառման համար է, հակահայկական թմրանյութի դոզան ներարկվում է բնակչությունը խնդիրներից շեղելու համար»,- շեշտեց Դավիթ Բաբայանը:

Տիգրանուհի Մարտիրոսյան

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0