Գլխավոր էջ | Հայաստան | Միլլերին Հայաստանում սխալ են հասկացել

Միլլերին Հայաստանում սխալ են հասկացել

By
Միլլերին Հայաստանում սխալ են հասկացել

Հայկական մամուլում տեղեկություն տարածվեց, թե Գազպրոմ ընկերության ղեկավար Ալեքսեյ Միլլերը հայտարարել է, որ Գազպրոմը համաձայն է սահմանին գազի գնի նվազմանը պայմանով, որ Հայաստանից ներս էլ գինը նվազի, սպառողների համար:

Ըստ ռուսական աղբյուրների՝ նա հայտարարել է, որ Գազպրոմը 2017-ի համար նվազեցրել է գազի գինը սահմանին եւ համաձայնվել նաեւ, որ գինը նվազի Հայաստանի ներսում, սպառողների համար:

Առաջին դեպքում ստացվում է, որ Գազպրոմը մտահոգված է Հայաստանի սպառողների վիճակով, Միլլերն էլ ակնարկում է, որ Գազպրոմը կապ չունի Հայաստանի սահմանից ներս գազի կրկնակի թանկացման հետ:

Դժվար է ասել՝ դա թյուրըմբռնման արդյունք է, թե պարզապես սխալ թարգմանություն, սակայն այն տարածվեց ու «հասավ» ընդհուպ Հանրային ծառայությունները կարգավորող հանձնաժողովի նախագահ Ռոբերտ Նազարյանին, ով զարմանք է հայտնել այդ կապակցությամբ:

Եվ ճիշտ է արել, որ զարմանք է հայտնել, քանի որ Միլլերը նման բան չի ասել: Բայց մեկ այլ բան է զարմանալի, որ Ռոբերտ Նազարյանը չի հետեւում Հայաստանի գազի մենաշնորհային մատակարար Գազպրոմի ղեկավարի ելույթներին:

Իրականում, ինչպես ասվեց, Միլլերը հայտարարել է, որ Գազպրոմը համաձայնվել է, որ գազի գինը նվազի նաեւ Հայաստանի ներսում, սպառողների համար: Սա լիովին տեղավորվում է հայ-ռուսական գազային պայմանագրի տրամաբանության մեջ, քանի որ Գազպրոմը դե ֆակտո գազի գին թելադրողն է եւ կարող է մեծահոգաբար համաձայնվել հայ սպառողի համար գնի իջեցմանը: Տվյալ դեպքում՝ 7 դրամով: Իսկ Հայաստանի իշխանության խնդիրն է պահպանել Գազպրոմի շահույթը, ինչի մասին հայտարարել են Հայաստանի նախկին ու ներկա վարչապետները, եւ ինչը ամրագրված է հայ-ռուսական պայմանագրերում:

Խոշոր հաշվով, իհարկե, սպառողի համար ոչինչ չի փոխվում, քանի որ ոչ ոք այդպես էլ հոդաբաշխ չի բացատրել, թե ինչու է սահմանից այս կողմ գազը գրեթե կրկնակի թանկանում: Սա տիպիկ հայ-ռուսական գործարք է, որտեղ կողմերը պայմանավորվում են գնի, շահույթների եւ այլնի շուրջ:

Մեկնաբանություններ (0 posted)

total: | displaying:

Ձեր մեկնաբանությունը

  • Bold
  • Italic
  • Underline
  • Quote

Մուտքագրեք նկարում առկա նիշերը

Captcha
  • Ուղղարկել ընկերոջ Ուղղարկել ընկերոջ
  • Տպագրելու տարբերակ Տպագրելու տարբերակ
  • Տեքստային տարբերակ Տեքստային տարբերակ

Պիտակներ:

Պիտակներ չկան

Գնահատական

0